Chansons
Coccinelle tchiotte mamzelle
Coccinelle tchiotte mamzelle
Biête à bon Diu
Coccinelle tchiotte mamzelle
Invole-te esqu’à peut pu
Pitits points blancs, in t’attind
Pitits points rouches, vlà qu’te bouche
Pitits points noirs, coccinelle alle dit arvoir
Cocinelle bon vint bonsoèr
Te fras bin comme te voudras
Si t’arvient in s’arverra
Si te muches, in t’artreuvra
Eune amoureusse
Canson pou un mariache
1. Si j’aveus eune amoureusse, j’y acatreus des tites caussures. (bis)
Et pis ses pieds is front drôchi, is front drôchi, is front drolà.
Refrain
A ce qu’on est heureux d’avoir eune amoureusse
A qu’cha fait plaisi ed pouvoir la vêti.
(« vêti » sans « r » pour la rime)
2. Si j’aveus eune amoureusse, j’l’y acatreus eune noirte marronne. (bis)
Et pis ses gambes alles front drôchi, alles front drôchi, alles front drolà.
3. Si j’aveus eune amoureusse j’l’y acatreus eune bielle quemisse. (bis)
Et pis ses bras is front drôchi, is front drôchi, is front drolà.
4. Si j’aveus eune amoureusse j’l’y acatreus un blanc mintiau. (bis)
Et pis sin dos i fra drôchi, i fra drôchi, i fra drolà.
5. Si j’aveus eune amoureuse, j’l’y acatreus un grand capiau. (bis)
Et pis s’tiête alle fra drôchi, alle fra drôchi, alle fra drolà.
6. Si j’aveus eune amoureusse, j’l’y acatreus du rouche à loupe. (bis)
Et pis ses loupes, alles front drôchi, alles front drôchi, alles front drolà.
7. Si j’aveus eune amoureusse, j’l’y acatreus un lorgnon pour sin eul. (bis)
Et pis s’n’eul, i fra drôchi, i fra drôchi, i fra drolà.
8. Si j’aveus eune amoureuse, j’l’y acatreus un dintier pou mette dins s’bouque. (bis)
Et pis s’bouque, alle fra drôchi, alle fra drôchi, alle fra drolà.
Aveuc aveuc du poil su les roses !
Dins min gardin
Canson pour apprin.ne el son [o]
Dins min gardin y a des moniaux, y a des moniaux
Is sont cocos is sont bellots, is sont bellots
Is foutent in l’air tous mes poriaux, tous mes poriaux
Alors j’les effroïe* à cop raclo à cop raclo
Dins min gardin y a plein d’osiaux y a plein d’osiaux
I n’a des gros i n’a des tchios i n’a des tchios
Is ne font que quier su mes carriaux su mes carriaux
Alors j’leu jechte des grinds siau d’iau. des grinds siau d’iau
Dins min gardin y a des corbiaux, y a des corbiaux,
I n’a des drôles i n’a des biaux, i n’a des biaux
Is foutent in l’air tous mes naviots tous mes naviots
Alors j’les vire à cop bout d’bos à cop d’bout bos
Dins min gardin y a un viux co y a un viux co
i est nono i est fin sot i est fin sot
I codache toudis su min tas d’bos su min tas d’bos
Alors j’li jechte des gros caillos. des gros caillos.
Effroïer : effrayer
