6. El boéte ed Noë
7/12/2019
Juliette, eun jone file ed dis ans, n’sait pas quo faire el soir du 1er déchimpe. Alle cache après perdu (tourner en rond) dins l’salon. S’mère li dminde un cop d’main à l’cujéne (cuisine) mais alle fait comme si alle n’avot rin intindu. Sin père la houpe (appelle) dins l’garache et là incore, alle fait l’sourte orelle. Elle a quer miux (préfère) faire des capouris (pirouettes) dins l’canapé tout en ravisant des cacoules à l’télé.
D’un cop, alle intind un drôle de bruit dins l’rue. Alle s’étampe (dresse) d’un cop et va vir par l’ferniête chou qui s’passe dins l’cour (dehors). Y a un gars aveuc eune blanqué barbe qui trifoulle eune drôle ed boéte dins l’rue, près d’un chapin qu’el ville alle a mis dins l’après-none (midi). Juliette appelle ses parints « Maman, papa, v’nez vir, ch’est l’Père-Noë ! » Mais personne i vient. Pire incore, s’mère li dmande d’aller s’jouquer car dmain, y a école. Alorse, alle monte dins s’cambe à toute berzingue, s’lave chés dints, s’met in pyjama, fait s’prière au bon Diu pis va dins sin lit. Alle s’pose des questions à propos de l’boéte et su l’biloute à l’barbe blanque pis s’indordèle (s’endort).
El lendmain, alle s’dégroulle (grouille) de faire tout rade (rapidement) : mier, commissioni, carnarse, tout cha pou faire l’maguette (faire la curieuse). Alorse, alle oufe l’huche (porte) d’intrée et crie : « A ch’vêpe (soir) tertous, bonne journée ! » et s’déhutte (sort). Alle va tout d’boute (direct) vers l’boéte et la ravise dans tous les rincoins (recoins) . « Vinguette ! Quo que ch’est cha, se dit-alle ? In dirot une boéte aux lettes ? Oh, il y a quécosse d’écrit : «Lutin, lutinne, appoïez su l’bouton rouche. »
Juliette, toute in foufielle, appoïe su l’bouton rouche et eun lette in sort. Un brin craintife, alle l’oufe et vlàchi chou qu’alle lit : « Bonjour Juliette. J’ai besoin que tu m’aides. Me Duquesne, au 25 rue de Béthune adore les craquendoules ; les gâteaux qu’on fait par chez toi dans le nord en décembre. Merci de lui apporter 500g demain après l’école. Merci pour ta participation. Signé : Le Père-Noël. » Juliette n’savot pas si ch’étot sérieux ch’affaire-là mais comme y avot sin nom su l’lette, alle s’disot pourquo pas.
A l’artour ed l’école, alle dit jusse à s’maman qu’alle devot faire des lanques ed cat (biscuit de Lille) pour un archené (goûter) à l’école et s’mère n’ a rin dit.
El lendmain, alle dminda à s’mélieure copinne (copine) Marion de vénir aveuc , vir Me Duquesne pasque ch’étot s’mère qui li avot dit d’faire. Me Duquesne n’étot pas surprisse d’les archevir. Alles ont archené insanne (ensemble) et ch’étot un momint bin agréape.
Avant d’partir in voé Me Duquesne alle prind un pétit papier et marmouse (marmonne) : « biscuits : 2 sur 2, gintiliesse 2 sur 2, …. ; ch’est l’Père Noë qui va ête bénache. »
In intindant cha, Juliette alle dit :
-Commint cha el Père-Noë ?
-Bin oui, Ch’est l’Père-Noë qui t’invoe. Mi qui sus seule et sans amie ; té m’as donné un peu d’plaisi. T’as réussi teut mission et t’in auras d’autes à cop sûr ! Bonne chance à ti.
In qu’min, Marion alle dit à Juliette : « Alle décaroche (débloque) chal dame in palant dech Père-Noë et quo qu’ch’est chelle mission ? »
Juliette disot rin edpis eun cope ed timps pis alle déballe toute : « Is ont mis eune boéte de dans ma rue, eun sorte ed boéte às lettes. Mais in fait, ch’est eune boéte qui donne des lettes ed mission et m’première mission, ch’étot d’faire des craquendoules à Me Duquesne. »
Marion alle veut vir chette boéte alors Juliette l’y aconduit (emmène). « Arguette ! Si t’appoïes sur c’manicraque, t’aras eun lette d’mission et i faudra faire quécosse. Arguette-me ! » Alors Juliette appoïe su l’manicraque et tout comme alle l’avot dit, eun lette sort que Juliette, abile, alle l’ oufe.
« Bonjour Juliette. Bravo pour ta première mission. Me Duquesne t’a mis un 10/10. J’ai encore besoin que tu m’aides. Mr Lefebvre est sans abris. Tu le trouveras sur le parvis de l’église. Merci de lui venir en aide. Demande à Marion et à tes copines de t’aider. Signé : Le Père-Noël.
PS : Appuie sur le bouton vert pour obtenir ta récompense. » Juliette appoe su ch’bouton vert et eune énorme babelutte i sort d’un tiroér. In-ddans sur l’imbalache étot écrit : « Bravo niveau 1 réussi ! »
Après ch’preume succès, les deux éfints se sont dit à norvir (au revoir) et chacun i a rintré à s’mason. C’soér-là, Juliette n’étot pas à faire des cuberlines (pirouette) s’l’canapé ni à s’abalourdir (s’abrutir) dvant l’Gulli. Alle avot miux à faire : busier (réfléchir) à s’deussième mission. Ses parints voïtent bin qu’alle faisot du mouron alors is li dmantent. Mais Juliette alle répond « Y a rin, y a rin ! » Puis alle a artreuvé s’lanque :
-Si quéqu’un est sans rados (abris), qu’est-ch’qu’in peut faire ?
-Malhureusement, nousautes pas grind-cosse. Mais à l’mairie, i dot y avoir des gins pou cha.
Juliette va s’jouquer aveuc cha dins l’tiête. El lendmain, à l’école, alle va quére Marion qu’alle artreufe aveuc d’autes copinnes car Marion, chelle quaterlingue (bavarde), n’avot pas su warder (garder) s’lingue dins s’tasse (poque).
-Qu’est-che qu’in fait, qui li dmande Marion ?
-Min père, i m’a dit d’aller à l’mairie.
-Mais is vont pas nous acouter, nos sommes des éfants ?
-Ch’est possipe. Allons d’abord vir Mr Lefebvre.
Abile après l’école, les margats (gamins) vont vir c’t’pauver (pauvre) gars qu’étot assis sur un banc. Toutes timites, alles s’approchtent et distent : « Bojour Monsieur Lefebvre. Cha va-t-i ? » Ch’est comme cha qu’is comminchtent à déviser (converser). Pis un momint après, Juliette dit : « Ej cros avoér treuvé ! Vosautes les files, os allez quére tous les éfants qui varoulent (trainent) dans chés rues et in s’artreufe dins eun heure bien aheuré d’vant l’mairie! Dégroullez-vos (dépêchez-vous)! »
Puis alle se désaque (s’en va) . Eun heure après, alle arvient aveuc une banderole sur laqueule y avot écrit en greusses lettes : « Pas d’Noë sous l’pleufe pou les sans-cahute ! » Dvant l’mairie, y avot eun flopée d’éfants fin prêts à aidier (aider). M Lefebvre et tertous trompétotent (clamaient) ch’slogan en chœur. Avec ch’carpin (vacarme), el maire i a accepté d’acouter Juliette. Pis, l’magie d’Noë a fait s’n’affaire et i a promis qu’dins chés 3 jours, in trouvera un restache (logement) pour Mr Lefebvre. Juliette in sortant d’al mairie alle braille bin fort : « Mr Lefebvre n’sra bintôt pus un sans-cahute. » À c’la tous chés gins is étotent fin bénache d’intinte c’nouvielle-là. Mr Lefebvre sort d’eus tasse un tiot papelar et dit à voix basse : « Acoute 2/2, fel’té (rapidité) 2/2, …. ch’est l’Père-Noë qui va être bénache. »
Juliette artourne amon toute hureusse par c’deussième succès. In passant devant la boéte, alle appoe su l’bouton et eun lette in sort.
« Bonjour Juliette. Bravo pour ta deuxième mission. Mr Lefebvre t’a mis un 10/10. J’ai encore besoin que tu m’aides. … »
Juliette s’aroute (engage) pour une trossième mission et ch’est chou qu’alle a fait toute chal périote ed l’Avent. Alle n’obliot jamais non plu d’appoïer su l’bouton vert, chti qui baille (donne) des bistoques (récompenses), mais s’plus grinde joie ch’étot d’vir chelle des gins qu’alle aidiot.
Ch’est ainsin que Juliette alle a réussi aveuc succès toutes ches missions du Père-Noë. Alle n’étot pas l’seule à faire tout cha : gramint d’éfants d’al ville juotent à aidier les gins. Lorsque Juliette ne treuvot pas d’solution à des situations russes (difficiles), alle ravisot par l’farniête chés étoles qui à chaque fos li rinvoïotent des idées. Ch’étot el 24, Juliette et ses parints étotent su l’point de s’mette in accord (aller à la messe) pou l’messe ed minuit. In sortint à l’cour, alle vot el monsieur à l’barbe blanque qui arprint l’boéte. Alle dminda à ses parints el drot d’aller li paler.
-Bojour Père-Noë !
-Bonjour Juliette.
-Os êtes bin el Père-Noë ?
-Bien-sûr et toi tu es bien Juliette, notre nouvelle recrue ?
-Vote nouvielle arcrue ?
-Oh ! Où en ai-je la tête ? J’ai ton diplôme dans ma poche.
El viel homme sortit un papelar d’eus tasse et comminche à lire.
« La commission de Noël, présidée par le Père –Noël, bla bla bla, .. promeut au grade de lutine première échelon Juliette bla bla bla… »
-Tu vois, c’est écrit noir sur blanc.
-Ej sus donc eun lutinne ?
-Parfaitement et permets-moi de te féliciter. Tu as réussi toutes tes missions avec succès ce qui est, de mémoire de Père-Noël, assez rare pour une 1er année ; mais je dois dire que tu m’as épaté !
-Ah bon ! Mais je croïos qu’chétot les lutins au Pôle nord qui préparotent les cadiaux pour chés éfants.
-C’est presque exact ! Ce sont les elfes qui préparent les cadeaux pour les enfants. Nous, nous occupons des enfants et les enfants s’occupent des adultes. Les adultes ne croient plus au Père-Noël par contre, ils croient beaucoup aux enfants.
-Ah d’accord ?
-L’année prochaine, si tu le veux bien, j’aurais encore besoin de toi.
<p class="weste
