La dariole
Al dariole
Flan légérot à burre et à œués.
Dù te troufes, te peut l’appeler différimment :
Tarte à l’badrée (crème), tarte au libouli (lait bouilli), tarte papin (bouillie), tarte à gros bords, …
Armarques :
1. Avant, in disot tarte à gros bords, parse qu’in faisot un gros bord aveuc al pâte pou pos qu’al badrée alle saufe.
2. Al dariole est décorée ed bandes ed pâte fromant des losanches.
Ingrédiints pou l’badrée
60 cL de lait intier (2 verres et demie)
1 gousse ed vanile findue en deux ou un sachet ed chuc vanilé
4 œués (1 pou l’déco)
2 tchuillérées à choupe ed fareine ou maïséna
100g de chuc in pourette (7 tchuillérées à choupe ou 1 verre)
Préparation d’à l’badrée
1 : Dans eune castrole, foaire bouilir el lait aveuc al vanile.
2 : Dans un saladi, touller l’fareine et 3 œuéfs intiers dans un peu de lait frod.
Ajouter el chuc in pout esqu’à qu’l’mélanche i blanquiche.
Attention, bin touller pou n’pas qu’cha grumelle (faire des grumeaux) !
3 : Quind el mélanche est biau, baler (verser) el « li boulli » caud et armuer douchmint.
4 : Arbaler dins l’castrole toudis in armuant esqu’à preume (premier) guerlot (grelot=bouillon). Laicher deux minutes incore.
5 : Arsaquer (retirer) du fu et laicher arfrodir.
6 : Guernir el plat à tarte aveuc l’pâte (acatée). Fromer un rbord et baler al badrée tiède edsus. Te peux ajouter des pruniaux à t’mote.
7 : Précauffer el four à 180°C. Foaire tchuire au four 30 min à 200°C.
8 : Aveuc al pâte qui reste (si foaite mason), décoper de fins bandiaux et fromer des losanches.
9 : Batte un gaune d’œués l’étaler au pinchiau pour qu’après, al tarte seuche bin dorée.
10 : Laicher arfrodir avint d’servir. Mais te peux commincher à t’pourléquer.
